Forboðnir ávextir: Ritgerðir um trú og vísindi

Þann 23. apríl, 2005, stóðu ég og Guðmundur Ingi Markússon að ráðstefnunni Forboðnir ávextir: Ráðstefna um trú og vísindi, sem Páll Skúlason, þáverandi rektor Háskóla Íslands, gerði mögulega með styrk að upphæð 120 þúsund krónur. Ráðstefnan var haldin í stofu 101 í Lögbergi að viðstöddu fjölmenni.  Til stóð að gefa erindin, sem haldin voru, út í bókarformi en af ýmsum ástæðum var horfið frá þeirri hugmynd og leituðum við eftir samstarfi við guðfræði- og samfélagstímaritið Glímuna.  Var okkur vel tekið af ritstjórn tímaritsins og var ákveðið að ritgerðirnar okkar kæmu út í 3. árgangi tímaritsins. Ekki spillti fyrir að við gátum lagt fram 200 þúsund krónur til verkefnisins í formi styrks sem menningarsjóður Íslandsbanka veitti okkur til útgáfu á erindunum. Rétt er að taka fram að ég flutti erindi mitt í endurbættu formi á ráðstefnunni Hvað er guðfræði?, sem Glíman stóð að 1. október, 2005 og er það gefið út  undir titli þeirra ráðstefnu í tímaritinu.  Til þess að halda tengslum mínum við Forboðna ávexti innan tímaritsins samdi ég sérstaklega grein um vithönnunartilgátuna (intelligent design theory). Ritgerðirnar eru nú komnar út í 3. árgangi Glímunnar og er hægt að nálgast þær hér fyrir neðan á .pdf formi. Ég ber ritstjórnarlega ábyrgð á greinunum, sem eru ritrýndar.

Steindór J. Erlingsson, 21. júlí, 2006.

Rétt er að benda einnig á grein Guðmundar Inga um sköpunarvísindi sem birtist einnig í 3. árgangi Glímunnar og grein eftir mig um náttúrulegar rætur trúarbragða sem birtist í öðru hefti Kirkjuritsins, 2005.

Um sköpunarvísindi, vísindagervingu og ofurhelgun hins sértæka: Fræðileg ádrepa. Guðmundur Ingi Markússon, trúarbragðafræðingur.

HEIM