englaheilun
Hef aldrei verið hrifinn af kukli og það er alveg ótrúlegt hvað það er til mikið af kuklurum og svikahröppum sem eru tilbúnir til að græða ýmist vísvitandi eða ekki á öðrum með kjaftæði.Þessi bloggfærsla er skyldulesning. Sjá hér
greinar, greinar, greinar
Í gær prentaði ég út 5 greinar áður en ég fór af skrifstofunni. Heima las ég eina grein. Í dag prentaði ég út 12 greinar og las hálfa grein.Eitthvað segir mér að þessi strategía hjálpi mér ekki við að ganga á 30 cm há greinabunkann hjá mér.
öppdeit
Jæja, búinn að búa í Skotlandi í mánuð núna og líkar bara vel. Fór á pöbbinn á fimmtudag með Pólverjunum, bestu vinum mínum. Ágætis bjórúrval á skoskum pöbbum, miðað við íslenska, merkilegt nokk. Er smám saman farinn að kynnast fólki betur hérna, þekki núna þónokkra Pólverja ásamt Belga, Tékka og Frakka sem eru í öðrum grúppum. Þetta er reyndar ekkert voða hresst fólk á skrifstofunni minni, og lítið um samskipti manna á milli, en þetta er svo sem gallinn við tölvuefnafræði, maður er voða mikið að sinna sínu eigin.Ekki búinn að kynnast einum Skota enn, hélt reyndar að Tékkinn væri Skoti miðað við hvernig hann talaði en hann var bara búinn að vera hérna lengi í námi. Sá var að klára doktorsnám hjá J.D. Woollins prófessor, sem allir sem lagt hafa stund á ólífræna efnafræði ættu að vita hver er.
Nafnið mitt reynist ekki jafn alþjóðlegt og halda mætti. Er í mestu vandræðum með að bera það fram þannig að fólk skilji og ég þurfi ekki að endurtaka mig 5 sinnum eða skrifa það niður á blað fyrir fólk.
Er búinn að prófa venjulegan íslenskan framburð, sænskan framburð, sérlega harðan framburð, sérlega mjúkan framburð og eins og er, ber ég nafnið fram með amerískum framburði eins og leikararnir í Battlestar Galactica gerðu þegar þeir lentu á geimstöðinni Ragnar.
Afrek síðustu viku:
Lét QM/MM reikningana keyra parallel. Ætti að minnka keyrslutíma umtalsvert.
Skrifaði 5 skeljarskriftur til að spara mér tima við að setja upp reikninga. Þar á meðal ein sem umbreytir Turbomole bohr-hnitum í angstrom-hnit og opnar svo skjalið í Gaussview, mjög töff.