Blogg plogg
Ætla prófa að byrja blogga aftur, góð tímasetning til að byrja á því aftur (eða þannig).Það sem á daga mína hefur drifið síðustu vikur en ekki nennt að segja frá:
Var á ráðstefnu í Kóreu í byrjun júní. Stór og mikil ráðstefna um lífræna kísilefnafræði. Sem er ótrúlegt en satt nokkuð vítt svið, svo vítt að ekki nema þriðjungur efnis ráðstefnunnar var mér skiljanlegur. Öll Árnason-grúppan fór út, neyddumst til að millilenda í Beijing og vera þar nokkra daga áður en við héldum til Kóreu. Í heildina 2-vikna fín ferð, smakkaði fullt af góðum mat og undarlegum mat (marglyttusalat, smokkfiskasalat, sæbjúga, krossfisk?, kolkrabba + fleiri óskilgreint). Fundum því miður aldrei hund.
Er á fullu að reyna skrifa meistararitgerð eins og er, sem stefnan er að klára í sumar ásamt því að halda fyrirlestur. Gangi mér vel með það. Fór í gegnum allar vísindagreinar sem ég hef lesið í meistaranáminu og komst að því hvað þær eru margar.
Hættur í stjórn Komplex. Fínt að losna við það núna.
Er á leiðinni í helgarferð til Skotlands á morgun, meira um það síðar.
