lífrænir leysar eiga ekki að fara í vaskinn...
Þekktur lyfjafræðiprófessor við Washinton háskóla hellti 4 lítrum af díethyleter í vaskinn og gæti nú átt von á 5 ára fangelsisvist og $ 250 000 sekt.Umræddan eter átti víst að fjarlægja vegna aldurs en í staðinn, til þess að spara peninga, ákvað hann að opna eter tunnurnar með öxi (!) og hella þeim svo í vaskinn.
Skamm skamm...
Sjá hér
Myndskeið frá Solvay ráðstefnunni
Þeir sem hafa lært einhverja skammtafræði vita það hve mikið við eigum köllum eins og Schrödinger, Einstein, Heisenberg, Dirac, Bohr, Born, de Broglie, Pauli o.fl. að þakka fyrir framlag þeirra til einhverrar merkilegustu kenningar nútíma eðlisfræði og efnafræði.Hérna má sjá myndskeið frá fimmtu Solvay ráðstefnunni árið 1927 þar sem allir þekktustu eðlisfræðingar heimsins voru saman komnir.
Sjá hér
Lífræn ræktun- heimsókn í Yggdrasil
Fór í áhugaverða vísindaferð í Yggdrasil á föstudaginn, verslun með lífrænt ræktaðar afurðir.Ég hef alltaf verið dálítill efasemdarmaður um lífræna ræktun og hvernig þetta fyrirbæri eigi að bjarga heiminum. Það virðist því miður vera svo að mikið í kringum þetta einkennist af vanþekkingu, kemófóbíu (órökræn hræðsla við efni) og hjátrú og þessi vísindaferð styrkti að mörgu leyti þá skoðun mína.
Ákvað að vera dálítið leiðinlegur í þessari ferð og koma með erfiðar spurningar sem breyttist svo fljótlega í hörku umræður um kemísk efni, tilbúin áburð, lífræna ræktun, landbúnað, skordýraeitur, rotvarnarefni og margt fleira þar sem ólífræna liðið (framhaldsnemar í ólífrænni efnafræði við H.Í.) voru fremstir í flokki.
Fengum svo að bragða á lífrænu snakki (sem var ekkert alltof gott) og lífrænum bjór sem var reyndar ágætur.