Hljómtæki

Uppfært 23. febrúar 2002

Samanburður á hljómflutningstækjum með ABX tækni

Hljóma öll hljómflutningstæki eins? Er nauðsynlegt að kaupa rándýr tæki og dýrar snúrur til að tengja saman tækin? Svarið er að finna á ABX vefnum. Þar nota menn Tvöfalt Blind Próf til að meta hvort munur sé milli tækja.

Hágæða hljómflutningstækni

Þessi síða hefur verið heimsótt

sinnum síðan 13. nóvember 1997.

Voigt Pipe hátalari

Einfaldur og ódýr gæðahátalari, sem auðvelt er að smíða. Útfærsla mín af Voigt Pipe hátalara, hann er sagaður út úr einni 1220*2440*22mm spónaplötu eða mjúkum krossvið (parið) og notar 5" til 8" full range hátalara (t.d. Fostex, Lowther eða góðan bílahátalara). Einnig má nota hátónahátalara + milli/bassa.
Ég notaði Vifa P13WH-00-08 fyrir bassa/millitón og Vifa D27TG-45-06 fyrir hátón. Tengi þá saman með góðu deilineti. Sjá upplýsingar um Ariel hátalarann, sem notar svipaða hátalara.
Til að minnka panelhljóð er framhliðin búin til sem samloka, sem samanstendur af 3mm masoniti (eða 1mm álplötu) og 2 lögum af þakpappa, sem er límt með snertilími innan á framhliðina (innst =>masonit+pappi+pappi+spónaplata =>yst). Í stað pappans má nota mjúkan vinyl gólfdúk.
Til að losna við endurkast frá bakhlið kassans verður að setja rétthyrndan þríhyrndan klossa bak við hátalarann, líma hann lágréttan innan á bakhlið beint aftan við hátalarann. Klossinn þarf að hafa sömu breidd (langhliðin) og hátalarakeilan og snúa 90 gráðu horninu að hátalaranum. Setja þarf dempun t.d. 12mm ullarfilt á klossann og á innhliðar hátalarboxins næst hátalaranum.
Í stað klossans má setja 5cm þykka þétta steinull á bakhliðina bak við hátalarann, steinullarmottan verður að vera ívið stærri en þvermál hátalarakeilunnar.
Setjið ull(tog) eða polyester dempun (10gr/lítra) í boxið allt, til að dempa eiginsveiflur í línunni. Dempunin lækkar hljóðhraðann í línunni og eyðir hátíðni, svo að bara lægstu tíðnir koma út um opið að neðan ( lægri en 100 til 200Hz).

Baffle diffraction

Lágmarka þarf sveiflur í tíðnisvörun, sem koma þegar hátalarinn breytir um útgeislun frá 4pi steradian í 2pi steradian. Það er mjög mikilvægt að kantar framhliðarinnar séu rúnnaðir eða með 45 gráðu horni. Geisli rúnningarinnar þarf að vera um 32mm. 45 gráðu horn á kantinn, sem fæst ef byrjað er að hefla 18mm frá kanti ætti að vera góð nálgun.
Leiðrétta þart fyrir "Baffle diffraction step", sem kemur vegna þess að allir svona hátalarar vinna út í 4pi steardiana á lágum tíðnun en 2pi steradiana á hærri tíðnum. Það hefur í för með sér að lágtíðni (bassinn) fellur um 6dB miðað við hærri tíðnir.
Leiðréttingarrásin á myndinni byrjar að lækka innmerkið við c.a. 200Hz (-3dB við 526Hz) og lækkar það um 6dB við tíðnir hærri en c.a. 3kHz og vegur upp bassatapið. Rásin er höfð á inngangi aflmagnarans, gæta þarf að formagnarinn geti unnið út í 6.6kOhm álag. Gildin fyrir þennan hátalara eru R1=R2=3.3kOhm og C=0.055uF, sem passar fyrir hátalarakassa sem hefur breiddina 22cm.
Annars er -3dB punkturinn fundinn með jöfnunni f3=c/3/b=115/b, þar sem b er breidd kassans í metrum, c=345m/sek er hljóðhraðinn við 20 gráður Celcius.