4. Landskeppnin í efnafræði

veturinn 2004-2005

Val á liði Íslands fyrir 37. ólympíukeppnina í efnafræði sem fram fór í Taípei í Taívan í júlí 2005.

I Almenn landskeppni

Fjórða almenna landskeppnin í efnafræði fór fram miðvikudaginn 9. februar 2005 kl. 8:00-10:00. Alls tóku 85 nemendur þátt frá átta framhaldsskólum. Sigurvegari keppninnar var Tomasz Halldór Pajdak úr Menntaskólanum í Reykjavík en Arnar Þór Stefánsson úr Menntaskólanum á Akureyri fylgdi honum fast eftir.

Röð efstu keppenda er eftirfarandi:

1 Tomasz Halldór Pajdak, MR

2 Arnar Þór Stefánsson, MA

3 Þórey María Maríusdóttir, MR

4 Jakob Tómas Bullerjahn, MH

5 Hildur Knútsdóttir, VÍ

6 María Óskarsdóttir, MR

7 Inga Steinunn Helgadóttir, MA

8 Benjamín Ragnar Sveinbjörnsson, MH

9 Halldór Berg Harðarson, MR

10 Saga Össurardóttir, MH

11 Haukur Guðmundsson, MR

12 Brynjar Örn Ellertsson, MA

13 Kristján Rúnarsson, MR

Þessum þrettán nemendum var boðið að taka þátt í úrslitakeppni efnafræðikeppninnar sem fór fram við Háskóla Íslands dagana 26. og 27. febrúar.

II Úrslitakeppni í efnafræði

Úrslitakeppnin skiptist í fræðilega keppni og verklega keppni og fór hvor tveggja fram við Háskóla Íslands helgina 26.-27. febrúar 2005.

Tólf keppendur mættu til keppninnar.

Sjá myndir úr verklegu keppninni (http://www.pezkallar.com/myndir/Landskeppnin_2005/index.php).

Röð keppenda var eftirfarandi:

1 Tomasz Halldór Pajdak, MR

2 Jakob Tómas Bullerjahn, MH

3 Arnar Þór Stefánsson, MA

4 Inga Steinunn Helgadóttir, MA

5 Hildur Knútsdóttir, VÍ

6 Þórey María Maríusdóttir, MR

7 María Óskarsdóttir, MR

8 BenjamÌn Ragnar Sveinbjörnsson, MH

9 Saga Össurardóttir, MH

10 Haukur Guðmundsson, MR

11 Brynjar Örn Ellertsson, MA

12 Halldór Berg Harðarson, MR

Vægi fræðilega hlutans í lokastigafjöldanum er 60% en þess verklega 40%.

Arnar Þór Stefánsson úr Menntaskólanum á Akureyri stóð sig best í fræðilega hlutanum en Tomasz Halldór Pajdak og Jakob Tómas Bullerjahn voru hnífjafnir með besta árangur í verklega hlutanum.

Verðlaunaafhending fyrir efnafræðikeppnina fór fram í Skólabæ við Suðurgötu fimmtudaginn 23. júní.

III Ólympíulið Íslands 2005

Í ólympíulið Íslands 2005 voru valin:

• Tomasz Halldór Pajdak, MR

• Arnar Þór Stefánsson, MA

• Hildur Knútsdóttir, VÍ

• María Óskarsdóttir, MR

Jakob Tómas Bullerjahn var orðinn tvítugur fyrir ólympíukeppnina og komst því ekki með. Inga Steinunn Helgadóttir ákvað að taka heldur þátt í Ólympíukeppninni í stærðfræði og Þórey María Maríusdóttir tók þátt í ólympíukeppninni í eðlisfræði.

IV IChO37 í Taípei, Taívan, 16.-25. júlí

Fréttatilkynning Gísla Hólmars Jóhannessonar:

Alþjóðlega Ólympíukeppnin í efnafræði fór fram á Taívan dagana 15. til 26. júlí fyrr á þessu ári. Keppnin var haldin í höfuðborginni Taípei. Íslendingar sendu lið í fjórða sinn til þessarar árlegu keppni.

Þetta er í 37. skipti sem Ólympíukeppnin er haldin en hún var fyrst haldin í Prag árið 1968. Markmið keppninnar eru að hvetja nemendur sem hafa áhuga á efnafræði til dáða, gefa þeim tækifæri á að hitta annað ungt fólk frá ýmsum löndum og stuðla þannig að auknum tengslum og alþjóðlegri samvinnu innan og utan fræðigreinarinnar.

Í ár tóku 225 keppendur frá 59 löndum þátt í keppninni. Sigurvegari keppninnar var Alexey Zeifman frá Rússlandi, en hann sigraði keppnina líka í fyrra. Í öðru sæti ekki langt á eftir var Jesada Temaismithi frá Taílandi og í þriðja sæti var Anton Repko frá Slóvakíu. Í fræðilega hlutanum náði bestum árangri Senan Eminov frá Aserbaídsjan sem hafnaði í 22. sæti og í verklega hlutanum stóð Maximilian Tromayer frá Austurríki sig best en hann lenti í 47. sæti.

Íslenska liðið skipuðu að þessu sinni þau Arnar Þór Stefánsson, MA; Hildur Knútsdóttir, VÍ; María Óskarsdóttir, MR; og Tomasz Halldór Pajdak, MR. Þau voru valin í liðið vegna góðrar frammistöðu í Landskeppninni í efnafræði sem Efnafræðifélag Íslands og Félag raungreinakennara héldu síðastliðinn vetur. Áður en haldið var til Taívan gengust þau undir tveggja vikna þjálfun í dæmareikningi og vinnubrögðum á tilraunastofu við Háskóla Íslands. Auk keppendanna fjögurra fóru tveir þjálfarar með í Ólympíukeppnina, þeir Finnbogi Óskarsson og Gísli Hólmar Jóhannesson sem önnuðust þýðingu prófverkefnanna á íslensku og yfirferð úrlausna keppendanna.

Árangur íslenska liðsins í ár var svipaður og verið hefur hingað til; enginn kom heim með verðlaunapening en keppendurnir stóðu sig að meðaltali svipað og lið Norðmanna og Svía. Hinir síðarnefndu náðu þó einum bronsverðlaunum. Danir og Finnar stóðu sig heldur betur líkt og undanfarin ár. Danir náðu þremur bronspeningum og Finnarnir lönduðu tveimur bronspeningum. Besta árangur íslenska liðsins átti Tomasz Halldór. Tomasz Halldór stóð sig best Íslendinganna í fræðilega hluta keppninnar en Arnar Þór varð hlutskarpastur í verklega hlutanum.

Það setti svip sinn á keppnina að fellibylurinn Haitang skall á eyjunni við upphaf hennar. Fellibylurinn var einn sá stærsti á þessum áratug, en Taívan fær yfir sig einn til tvo fellibylji á hverju ári. Það fylgdi þessu mikil spenna og ekki síst hjá Íslendingunum sem vildu endilega kynnast alvöru fellibyl. Þegar til kom fór fellibylurinn að mestu yfir eyjuna fyrir sunnan Taípei og það varð frekar lítið úr honum á keppnisstaðnum. Þetta voru að sjálfsögðu ákveðin vonbrigði fyrir veðurbarða Íslendinga. Þetta þýddi þó að það rigndi meira og minna allan keppnistímann, sem minnti mjög á ættjörðina nema að hitastigið var mun hærra og rigningin því hlý. Ókosturinn var að skoðunarferðirnar voru mjög votar. Í lokin stytti upp og hægt var að njóta veðurblíðunnar í þrjá daga áður en haldið var heim á leið.

Skipulag Ólympíukeppninnar í ár var í höndum efnafræðideildar National Taiwan Normal University í Taípei. Skipulagið var ásættanlegt, en sumt hefði mátt betur fara. Á heildina litið var samt mjög skemmtilegt að kynnast landi og þjóð, sem var Íslendingunum framandi.

Styrktaraðilar íslensku efnafræðikeppninnar voru margir og vill Efnafræðifélag Íslands þakka eftirtöldum aðilum fyrir góðan stuðning: SPRON, Bankastjórn Seðlabankans, Actavis hf., Össur hf., Ensímtækni ehf., Málning ehf., Prokaria ehf., VGK, Lyfjaþróun hf., A&P Árnason ehf. og Sementsverksmiðjan. Menntamálaráðuneytið styrkti Ólympíuliðið til ferðarinnar.