2. Landskeppnin í efnafræði

Almenna landskeppninnar

2. Almenna landskeppnin í efnafræði fór fram þriðjudaginn 5. nóvember 2002. Verkefnið var nokkuð langt og tók á flestum grunnatriðum í efnafræði. Sigurvegari keppninnar var Helga Dögg Flosadóttir frá Menntaskólanum í Reykjavík, en alls tóku þátt 121 nemendur frá 10 framhaldsskólum. Þátttaka eftir skólum var eftirfarandi:

Skóli	Fj. þáttt.
Menntaskólinn í Reykjavík (MR)	52
Menntaskólinn við Hamrahlíð (MH)	18
Menntaskólinn við Sund (MS)	13
Kvennaskólinn í Reykjavík (KR)	11
Verzlunarskóli Íslands (VÍ)	10
Menntaskólinn á Akureyri (MA)	6
Menntaskólinn að Laugarvatni (ML)	4
Menntaskólinn á Ísafirði (MÍ)	3
Iðnskólinn í Reykjavík (IR)	2
Fjölbrautaskólinn í Breiðholti (FB)	2

Efstu 43 keppendunum bauðst að halda áfram í úrslitakeppnina sem fram fór í febrúar og mars 2003. Tíu efstu keppendurnir fengu bókaviðurkenningu. Þessir keppendur eru:

Sæti	Nafn	Skóli
1	Helga Dögg Flosadóttir	MR
2	Berglind Gunnarsdóttir	MR
3	Gunnar Þór Pálsson	VÍ
4	Ólafur Margeirsson	MR
5-6	Einar Bergur Ingvarsson	VÍ
5-6	Ísak Sigurjón Bragason	MA
7-8	Magnús Bergur Magnússon	MR
7-8	Sveinn Ólafsson	MR
9	Elín Ingibjörg Magnúsdóttir	MH
10	Anna Kristín Þórhallsdóttir	MA

Úrslit landskeppninnar

Úrslitakeppnin skiptist í fræðilegan og verklegan hluta. Alls tóku 29 nemendur þátt í fræðilega hlutanum, sem fór fram 22. febrúar 2002, en 11 nemendur fengu að halda áfram í verklega hlutann sem fór fram 7. mars. Myndir af keppendum eru á heimasíðu Efnafræðifélagi Íslands (undir Samkomur) Lokaeinkunnin var reiknuð frá samanlögðum árangri í fræðilega (60%) og verklega (40%) hlutanum. Röð keppenda var sem hér segir

Sæti	Nafn	Skóli
1.	Helga Dögg Flosadóttir	Menntaskólanum í Reykjavík
2.	Húni Sighvatsson	Menntaskólanum við Hamrahlíð
3.	Hringur Grétarsson	Menntaskólanum í Reykjavík
4.	Ísak Sigurjón Bragason	Menntaskólanum á Akureyri
5.	Berglind Gunnarsdóttir	Menntaskólanum í Reykjavík
6.	Tinna Baldvinsdóttir	Menntaskólanum í Reykjavík
7.	Gunnar Þór Pálsson	Verzlunarskóla Íslands
8.	Wing Wa Yu	Menntaskólanum við Hamrahlí›
9.	Anna Kristín Þórhallsd.	Menntaskólanum á Akureyri
10.	Margrét Jóna Einarsd.	Menntaskólanum í Reykjavík
11.	Ólafur Margeirsson	Menntaskólanum í Reykjavík

Ólympíulið Íslands 2003 og 35IChO

Í ólympíulið Íslands 2003 voru valin:

Helga Dögg Flosadóttir, MR

Húni Sighvatsson, MH

Ísak Sigurjón Bragason, MA

Berglind Gunnarsdóttir, MR

Hringur Grétarsson ákvað að taka Þátt í ólympíukeppninni í stærðfræði sem var í Japan í júlí 2003.

Seinni hluta júnímánaðar var ólympíuliðið í þjálfun við Háskóla Íslands áður en það hélt utan í 35. Alþjóþlegu ólympíukeppnina sem var í Aþenu, Grikklandi, dagana 5. - 14. júlí 2003. Með liðinu fóru einnig tveir þjálfara, þeir Finnbogi Óskarsson og Már Björgvinsson.

Alls tóku 232 nemendur frá 59 löndum þátt í ólymíukeppninni. Keppnin var í tveimur hlutum, eins og venjuleg, verklegum hluta sem gilti 40% og fræðilegum hluta sem gilti 60%. Í þetta sinn fengu 30 efstu keppendurnir gullverðlaun, silfurverðlaun fengu keppendur í 31. - 83. sæti en keppendur í 84.-155. sæti fengu bronsverðlaun. Auk þess fengu 44 keppendur, sem ekki unnu til verðlauna, heiðursviðurkenningu fyrir að leysa a.m.k. eitt verkefni óaðfinnanlega.

Sigurvegari ólympíukeppninnar var 16 ára gamall Hvítrússi; A. Putau, í 2. sæti var Y. Kanoria frá Indlandi en Y. Zhou frá Kína var í 3. sæti. Putau náði einnig bestum árangri í fræðilega hlutanum en C. Urbina frá Venesúela fékk hæstu einkunn fyrir verklega hlutann. Þau Ísak Sigurjón, Helga Dögg og Berglind fengu öll heiðursviðurkenningu fyrir að leysa a.m.k. eitt verkefni fræðilega hlutans óaðfinnanlega. Hins vegar tókst liðinu ekki að vinna til verðlauna í þetta sinn, en Berglind var mjög nærri því að fá bronsverðlaun og Helga Dögg og Húni voru ekki langt frá því heldur.

Þegar meðaleinkunn keppenda frá hverju landi er reiknuð, lendir kínverska liðið í efsta sæti, lið Írans í 2. sæti og lið Kóreu í 3. sæti. Lið Íslands hafnar hins vegar í 48. sæti sem er mun betri árangur en á síðasta ári. Aðeins tvö Norðurlandalið, lið Finna og Dana, fengu hærri meðaleinkunn en íslenska liðið. Góðan árangur íslenska liðsins má fyrst og fremst rekja til þess að liðið stóð sig mjög vel í verklega hlutanum. Þannig fengu þrír keppendur í liðinu um 80% stiganna í verklega hlutanum. Berglind Gunnarsdóttir náði hins vegar þeim stórglæsilega árangri að fá 93% verklegu stiganna. Berglind náði þar með níundu bestu verklegu einkunninni, sem var besti árangur Norðurlandabúa og betri árangur en hjá öllum í kínverska liðinu.

Árangur íslenska liðisins er mikil hvatning fyrir íslenska framhaldsskólanemendur og bendir til að þeir geti í framtíðinni unnið til verðlauna í ólympíukeppni í efnafræði. Á næsta ári verður keppnin haldin í Kiel í Þýskalandi.