Eins og árin 2001 og 2003 hélt Íslenska stærðfræðafélagið ráðstefnu um stærðfræði á Íslandi haustið 2005. Í þetta sinn var ráðstefnan haldin í Vestmannaeyjum dagana 29. og 30. október. Þáttakendur voru samtals 44 og voru á ráðstefnunni flutt 14 erindi um heimfærða stærðfræði, stærðfræði í skólunum og hreina stærðfræði. Auk þess nutu ráðstefnugestir gestrisni Eyjamanna á ýmsa lund. Dagskrána má sjá á sérstakri síðu og ennfremur má nálgast slæður úr nokkrum erindum á annarri síðu. Íslenska stærðfræðafélagið heldur ráðstefnurnar Stærðfræði á Íslandi og eru þær haldnar að hausti til á oddatöluárum. Fyrsta ráðstefnan var haldin í Reykholti í Borgarfirði í október 2001, sú næsta á Akureyri í lok ágúst 2003 og sú þriðja í Vestmannaeyjum í lok október 2005. Tilgangurinn með ráðstefnunum er að efla tengsl íslenskra stærðfræðinga og veita þeim tækifæri til að kynna vinnu sína og áhugamál hver fyrir öðrum. Efni ráðstefnanna er engan veginn einskorðað við rannsóknir í stærðfræði, heldur er þeim ætlað að fjalla um allt það sem íslenskir stærðfræðingar fást við.