Eftirfarandi er í boði: Þriggja herbergja íbúð (tvö svefnherbergi, ein stofa) með litlu baðherbergi (sturtan er samt sér :) ) og eldhúsi. Íbúðin kemur með þvottaaðstöðu, sjónvarpi (kapall) og tilheyrandi og þráðlausu neti. Afnot af síma innan skynsamlegra marka eru einnig í boði ;) Að auki er hægt að fá lánað eitt stykki hjól og hjálm! Það er eitt hjónarúm og tvöfaldur svefnsófi í íbúðinni og ég á hjónasæng, tvær einstaklingssængur, fjóra kodda ásamt rúmfötum. Það er nóg pláss fyrir aukadýnur (ég á eina einstaklingsdýnu) í stærra svefnherberginu og í stofunni. Fyrir utan er stór lokaður garður með grillaðstöðu og leiktækjum fyrir börn. Íbúðin er staðsett í ytri enda Nörrebro við Nörrebro lestarstöðina. Það er u.þ.b. 1 mínútna gangur á lestar-eða strætóstöðina og svo 10-15 mínútur í strætó (eða hjóli) eða hálftíma röskur gangur niður á Strik.

Myndir:
Íbúðin í maí 2005
Íbúðin við kaupsamning

Ef svo ólíklega vill til að breytingar verða á plönum mínum áskil ég mér allan rétt til að fá að búa sjálf í íbúðinni en gestum verður þó ekki úthýst ef þeir eru sáttir við að sitja þröngt :)

Þeir sem hafa áhuga eru beðnir um að hafa samband við mig í gegnum tölvupóst (ardise hjá raunvis punktur hi punktur is) eða síma.

Dísin er ekki heima við:(uppfært eftir því sem við á)
1. juní - 29. juní 2007

Vinir og ættingjar eru auk þess ávallt velkomnir í heimsókn þó Dísin sé heima :)