Stærðfræðistofa Raunvísindastofnun Háskólans

Stofustjóri:
Jón I. Magnússon



Kennarar við Raunvísindadeild:

Sérfræðingar:

Samvinnusérfræðingur:

Doktorsnemar:

Meistaranemar:


Stærðfræðistofa er vettvangur rannsókna í stærðfræði og stærðfræðilegri eðlisfræði. Þar starfa níu fastir kennarar í raunvísindadeild og sex sérfræðingar. Tveir hinna síðarnefndu sitja í nýdoktora-stöðum á vegum Lárusar Thorlacius og Þórðar Jónssonar sem eru kostaðar af rannsóknastyrkjum. Við stofuna eru jafnframt átta stúdentar í rannsóknatengdu námi. Af þeim eru fimm í doktorsnámi og hafa fjórir þeirra hlotið styrk úr Háskólasjóði Eimskipafélags Íslands.

Viðfangsefni stofunnar spanna margar sérgreinar stærðfræði og stærðfræðilegrar eðlisfræði. Þau helstu eru á sviði algebru, algebrulegrar grannfræði og algebrulegrar rúmfræði, tvinnfallagreiningar og fágaðrar rúmfræði, skammtasviðsfræði, strengjafræði, óvíxlinnar rúmfræði, diffurrúmfræði, fellagreiningar, ólínulegra hlutafleiðujafna, kvíslunarfræði og netafræði.

Niðurstöður rannsókna sinna birtir starfsfólk stofunnar í skýrslum Raunvísindastofnunar sem og í innlendum og alþjóðlegum fagtímaritum.

Starfsfólk stofunnar á öflugt samstarf á fræðasviðum stofunnar við fólk víða um heim og algengt er að samstarfsfólk erlendis frá dvelji við stofuna til að vinna að sameiginlegum rannsóknaverkefnum.

Málstofa í stærðfræði hefur verið starfrækt á vegum stofunnar frá  árinu 1975. Í málstofunni kynna starfsmenn stofunnar, vísindamenn á skyldum fræðasviðum og erlendir samstarfsmenn rannsóknir sínar eða aðrar nýjungar í stærðfræði og stærðfræðilegri eðlisfræði. Jóhann Sigurðsson hefur umsjón með málstofunni (Sjá hlekk hér að neðan).




Here is our English Homepage      





Þessi síða hefur verið heimsótt sinnum síðan 30. júlí 1997
Gerlinde Xander